Ahal welaýat alyjylar jemgyýetleriniň birleşigi – Birleşigiň müdiriýetiniň administrasiýa jaýynyň hukuk salgysy: Aşgabat şäheri, Bagtyýarlyk etraby, Aba Annaýew köçesi, 51-nji jaýy.
Birleşik öz işinde Türkmenistanyň Konstitusiýasyna, “Alyjylar jemgyýetleri hakynda” we “Jemgyýetçilik birleşikleri hakynda” Türkmenistanyň Kanunlaryna, Türkmenistanyň Prezidentiniň namalaryna, Türkmenistanyň Ministrler Kabinetiniň namalaryna, Türkmenistanyň Söwda we daşary ykdysady aragatnaşyklar ministrliginiň hukuk kadalaryna, Türkmenistanyň Adalat ministrligi tarapyndan 17.05.2023-nji ýylda gaýtadan bellige alynyp, Türkmenistanyň Maliýe we ykdysadyýet ministrliginiň Salgyt müdiriýetiniň Aşgabat şäheriniň Bagtyýarlyk etrap Salgyt bölümi tarapyndan 08.06.2023-nji ýylda gaýtadan bellige alynan Tertipnamasyna we Türkmenistanyň beýleki kadalaşdyryjy hukuk namalaryna goldanýar.
Birleşik alyjylar jemgyýetleri we olaryň edara-kärhanalary tarapyndan meýletinlik esasynda döredilýär.
Birleşik bilen esaslandyryjylaryň arasyndaky hojalyk, maliýe we beýleki özara gatnaşyklary özüniň Tertipnamasynyň, Türkmenistanyň kanunlarynyň we kadalaşdyryjy hukuk namalarynyň esasynda amala aşyrylýar.
Birleşigiň işiniň esasy maksady alyjylar jemgyýetleriniň ulgamlaryny ösdürmek, hususy önümçilik işini ösdürmeklige ýardam edýär.
Birleşigiň öz ady ýazylan, alyjylar jemgyýetleriniň nyşany şekillendirilen dogup gelýän günüň, açylyp duran pagta hanasynyň, bäş welaýaty aňladýan bäş sany ýyldyzyň we iki sany Ahal teke atlarynyň nyşanlary şekillendirilen tegelek möhüri we naşany, şeýle hem öz işi üçin zerur bolan beýleki nyşanlary bar.
Birleşigiň müdiriýetiniň işgärleri: müdiriýetiň başlygy we 2 sany orunbasarlary, bölümleri buhgalter hasaby we hasabat bölümi, söwda bölümi, önümçilik bölümi, maliýe-ykdysadyýet bölümi, barlag-derňew bölümi, bazarlar, jemgyýetçilik iýmiti, gurluşyk we ulaglar bölümi, işgärler bölümi jem 46 sany işgärleri bar.
Birleşigiň garamagynda 11 sany alyjylar jemgyýetleri, 1 sany hojalyk hasaplaşygyndaky kärhanasy we alyjylar jemgyýetlerine degişli 7 sany bazarlary bar.
Alyjylar jemgyýetleri söwda hyzmatlary bilen meşgul bolup, ýerlerde azyk dükanlary we beýleki söwda nokatlary, göçme söwda gurnamalary we bazarlary bar.
Birleşik öz ygtyýaryndaky emläkleriň şahsy eýesidir. Birleşik şahsy eýesi höküminde emläklerini öz islegine görä kanunçylyga laýyklykda gadagan edilmedik islendik hereketler üçin peýdalanmaga hukugy bardyr.
Tertipnama wezipelerini amala aşyrmak üçin zerur bolan gorlar we beýleki emläkler welaýat alyjylar jemgyýetleriniň birleşigine degişli emläk hasaplanylýar. Onuň işi bilen baglanyşykly maksatlara laýyklykda jaýlar, binalar, maşynlar, enjamlar, ulag serişdeleri, öndürilen önümler, harytlar pul serişdeleri we beýleki emläkler welaýat alyjylar jemgyýetleriniň birleşigine degişlidir.
Harytlaryny, enjamlaryny, çig mallaryny we beýleki maddy gymmatlyklaryny kärhanalara, guramalara, raýatlara satyp we satyn alyp, şeýle hem çalşyp, kärendesine berip, wagtlaýyn ulanylmaklyga berip, şeýle-de esasy gorlary eger-de ol könelişen bolsa ýokary guramasy bilen ylalaşyp olaryň rugsady esasynda öz balansyndan öçürip biler.
Birleşik - Alyjylar jemgyýetleri we hojalyk hasaplaşygyndaky kärhanalary, bazarlar birleşikleri tarapyndan söwda ulgamynda ilatymyza hyzmat etmekde degişli dükanlarynda, bazarlarda we göçme söwda nokatlarynda azyk we beýleki harytlaryň gök-bakja, un we çörek önümleriniň bolçulygyny döredip, olaryň çörek we çörek önümlerini öndürýän sehlerini bökdençsiz işledip, edilýän söwda hyzmatlarynyň has-da ýokary we talaba laýyk bolmagyna, şeýle hem söwda, jemgyýetçilik iýmiti, taýýarlaýyş, senagat we beýleki kärhanalary häzirki zaman talabyna laýyk ösdürmekligiň we ýerleşdirmegiň ylmy taýdan esaslandyrylan düzümlerini işläp düzmekde, alyjylar jemgyýetleri we alyjylar birleşmeleri bilen birlikde söwdanyň, taýýarlaýyşyň we täze önümçiligiň usullaryny ornaşdyrmakda ýardam berýär we oňa gözegçilik edýär.
Birleşigiň işiniň üýtgedilip gurulmagy (birikdirilmegi, goşulmagy, bölünmegi, bölünip aýrylmagy, täzeden gurulmagy) we bes edilmegi Umumy ýygnagyň, Müdiriýetiň kararlary we kazyýetiň çözgüdi esasynda amala aşyrylýar.
Birleşik Türkmenistanyň Maliýe we ykdysadyýet ministrliginiň Ýuridik şahslaryň ýeke-täk döwlet sanawyndan çykarylandan soň öz işini bes edýär.